Bananet janë një nga frutat më të dashura, por gjithashtu edhe më të ndjeshmet ndaj kushteve klimatike. Në vetëm disa ditë, ato mund të nxihen, zbuten dhe humbin shijen e tyre të freskët. Megjithatë, ekziston një mënyrë e thjeshtë për t’i mbajtur bananet të verdha dhe të freskëta për më gjatë.
Një nga faktorët kryesorë që ndihmon në pjekjen e shpejtë të bananeve janë frutat e tjera, si mollët, dardhat dhe avokadot, të cilat lëshojnë një gaz që përshpejton pjekjen e tyre. Për këtë arsye, është e rëndësishme t’i mbani bananet larg këtyre frutave.
Gjithashtu, vendi ku ruani bananet ka shumë rëndësi. Ato duhet të mbahen në një vend të freskët dhe të errët, larg dritës së diellit dhe nxehtësisë së tepërt. Temperatura ideale për ruajtjen e bananeve është rreth 12°C.
Nëse i vendosni bananet në frigorifer, sigurohuni që ato të jenë të pjekura mirë, pra të verdha me disa njolla kafe, pasi kështu ato mund të qëndrojnë të freskëta për dy ditë më shumë. Megjithatë, ngrirja e bananeve në një fazë të hershme pjekjeje mund të ndryshojë shijen dhe të dëmtojë vetitë ushqyese të tyre.
