Situatë e pazakontë në rrugën e re paralel me portin në Durrës.
Siç duket dhe në videon e mëposhtme të publikuar nga “Jeta osh qef”, një person i pashqetësuar nga askush, merr koshat e mbeturinave dhe i nxjerr në rrugë, duke krijuar vështirësi për drejtuesit e automjeteve.
Dikush mund të mendojë fillimisht sikur ky person është ndonjë punonjës i bashkisë që paguhet për pastrimin e koshave, por mungesa e uniformës përkatëse si edhe veprimi i tij, që përbën rrezik për ndonjë aksident të mundshëm, e mohon kategorikisht një gjë të tillë.
Nuk dihet përse ky i ri vepron kështu në mes të ditës dhe në këtë rrugë që ka lëvizje të shumta automjetesh.
