Mediat ukrainase raportojnë se anëtarët e ekipit kombëtar të Ukrainës ranë viktimë e hajdutëve para gjysmëfinales së play-off-it kundër Suedisë. Hajdutët dyshohet se vodhën, ndër të tjera, edhe ora të shtrenjta që i përkisnin ekipit kombëtar dhe anëtarëve të stafit.
Incidenti ndodhi në Benidorm të Spanjës, ku ekipi kombëtar ukrainas po përgatitej për ndeshjen gjysmëfinale të Kupës së Botës kundër Suedisë.
Gazetari ukrainas Ihor Burbas tregon se autorë të panjohur hynë në dhomat e stafit ndërsa ata ishin larg dhe kryen vjedhje.
“Ata morën si para ashtu edhe sende të shtrenjta, siç janë orët me vlerë mijëra euro. Alberto Bosch, ndihmëstrajneri Serhiy Rebrov, humbi 1,800 euro. Në çfarë gjendje shpirtërore mund të jetë një ekip pas diçkaje të tillë?”, tha Burbas.
Rikujtojmë që Ukraina u eliminua nga Suedia dhe tashmë këta të fundit do të presin Poloninë që mundën Shqipërinë.
