Covid-19 i merr jetën një tjetër mësuesi në vendin tonë

Covid-19 i ka marrë jetën një tjetër mësuesi në vendin tonë.

Mësohet se ka humbur betejën me virusin e rëndë mësuesi i shkollës së mesme “Qemal Stafa” në Tiranë, Shpëtim Kraja.

Lajmi i hidhur është bërë me dije nga faqja zyrtare e shkollës, ku kolegët i kanë dedikuar fjalë të ndjera Krajës.

“Të prisnim mes nesh i nderuari profesor Shpëtim Kraja!

Të dashur kolegë, nxënës, prindër e miq të faqes sot gjimnazi “Qemal Stafa” rënkon, është në zi për ndarjen e parakohëshme nga jeta të kolegut tonë të mrekullueshëm, të cilin COVID nuk e kurseu!

Një mësues i nderuar, i respektuar, i papërtuar i cili nuk ndaloi asnjëherë së dhëni më të mirën nga vetja, breza e breza të tërë do të kujtojnë me mall mundin, djersën, sakrificat, këshillat dhe dëshirën e pasionin për matematikën!

Sot e nesër në faqen e shkollës sonë do të paraqesim momente nga jeta e tij, impresione nga kolegë, nxënës e prindër si një mënyrë për të kujtuar në çdo moment se sa i rrallë e i veçantë ishte sistemi i tij vleror!

U prehsh në paqe, kolegu ynë i dashur!

Qemal Stafa sot lëngon, loton për humbjen e një kolegu, miku, shoku, bashkëpunëtori të shkëlqyer!”, shkruhet në postimin e shkollës.