Diplomimi, femrat zgjedhin arsimin dhe shëndetësinë, meshkujt inxhinieritë

03/08/2018 - 20:56

   Gjatë vitit 2017, 35.173 studentë u diplomuan në një nga programet e studimit të arsimit të lartë.

Shifra vjen në rritje me 11% krahasuar me një vit më parë, ndërkohë që raporti gjinor dominohet nga gratë me 64.1%.

Duke analizuar fushat e studimit ku diplomohen studentët, bie në sy se pothuajse 1 në 3 vetë (29.6%) zgjedhin të studiojnë në fushën e “biznesit, administrimit dhe ligjit”. Kjo përkon me numrin e lartë të kuotave dhe studentëve që zgjedhin degët e ekonomikut apo juridikut.

Ndërsa në vendin e dytë renditet fusha “Shëndet dhe mirëqenie”, ku studiojnë një numër i lartë studentësh për mjekësi, infermieri, etj. Menjëherë pas kësaj fushe, ndjekin degët e shkencave sociale, gazetarisë dhe informacionit me 12.2% të numrit të të diplomuarve.

Të Diplomuar në arsimin e lartë sipas fushës së studimit, 2017

Midis fushave të ndryshme të studimit vihet re një ndarje e theksuar mes të diplomuarve në bazë të gjinisë. Gratë dominojnë në arsim, me 80.5%, ndjekur nga “shëndet dhe mirëqenie” me 76.9% dhe “shkenca sociale, gazetari dhe informacion” me 75%. Gratë dominojnë po ashtu edhe në fushat e studimit të ashtuquajtura “STEM” “Shkenca natyrore, matematikë dhe statistikë”.

Nga ana tjetër, fushat me më shumë burra janë “shërbime” me 72%, “inxhinieri, prodhim dhe ndërtim” me 60.2 %, dhe “bujqësi, pyje, peshkim dhe veterinari” me 57.7%.

Një raport disi të ekuilibruar ruajnë ndërkohë programet e studimit të fushës “Teknologji e informacionit dhe komunikimit”.

Pjesëmarrës në total në arsimin e lartë është 54% e të rinjve, ndërkohë që një numër i lartë studentësh kryen studimet jashtë vendit./scan

/portali DurresLajm/

Na bëni like në facebook!: 

Lajme nga e njëjta kategori

Në seancën e ndërmjetësimit në rubrikën “Shihemi në Gjyq” këtë të diel ishin dy vëllezërit Xhevati dhe Ibrahimi.

Ministria e Shëndetësisë informon se në total janë 15 persona të plagosur nga protesta e opozitës përpara godinës së Kryeministrisë.

Ministria e Shëndetësisë ka dhënë informacion për të lënduarit e protestës së opozitës së bashkuar.

Qendra Shqiptare për Qeverisje të Mirë publikoi sot sondazhin e vitit 2018, sipas të cilit papunësia është shqetësimi kryesor i qytetarëv

Nuk do të ketë më reklama të barnave që jepen me recetë mjeku.

Historia një gruaje të dhunuar nga Kosova është trajtuar sot në studion e emisionit “Me zemer të hapur” të drejtuar nga Evis Ahmeti në Ne

Hap dyert urgjenca e re e shërbimit infektiv, me kushte të përmirësuara dhe me një standard të ri shërbimi për qytetarët.

Një nënë nga Kruja kërkon të takojë fëmijët e saj të cilët prej dy vitesh jetojnë me ish-bashkëshortin.

Ngujimi i studentëve të Fakultetit Juridik ka përfunduar mbrëmjen e së hënës.