“Si e sabotoi ministria e Arsimit mësimin parauniversitar”, Artan Fuga ironizon me përrallën "Gjinkalla e milingona"

30/09/2020 - 11:35

Nga Artan Fuga

Dihet përralla e milingonës me gjinkalllën, megjithëse gjinkala e shkretë në të vërtetë nuk ka faj. Milingona gjatë verës mblidhte zaire për dimër, kurse gjinkala këndonte. Kur milingona nuk iu përgjigj talljeve të gjinkallës, ajo mendonte për dimrin gjithë acar që afrohej. Gjinkalla këndonte: tralalala!

Gjatë verës duheshin përgatitur për arsimin universitar disa strategji të shëndosha dhe që do të siguronin një arsim parauniversitar që duhet!

1. Dokumenta shkollore online

– Libri për pedagogjinë e mësuesit për mësimin online, në distancë, në televizion, etj.

– Libri për pedagogjinë shoqëruese për prindin për mësimin e fëmijës në distance, online, ne televizion etj.

– Libri për të mësuarin në distancë, online, në televizion, për nxënësin.

Pedagogjinë e mësimit në distancë për cdo temë mësimore.

Nëse i ka përgatitur milingona, bravo i qoftë, nëse jo, gjinkalla vetëm ka kënduar gjatë verës, flladitur në buzë të detit, atëhere ka sabotuar arsimin parauniversitar.

2. Kontratat me televizionet publike ose private për mësimdhënien sipas klasave në televizione, duke e mbuluar këtë kontratë me financë, ose prodhimin e videove me mësimet për cdo lëndë.

Po e pat bërë milingona bravo i qoftë, nëse gjinkalla në vend të punonte hazdisej plazheve në pushime, atëhere ka sabotuar arsimin parauniversitar shqiptar dhe ka goditur sigurinë sanitare të kombit.

3. Nëse Ministria e arsimit ka arritur të ndërtojë kartografinë e pajisjes të mësueve me lidhje interneti në shtëpira dhe mundësisht edhe me kompjutera me qira, me telefona me lidhje interneti, atëhere aferim i qoftë. Nëse në vend të kësaj gjinkalla ka kënduar tralalala pemë më pemë atëherë ka sabotuar mësuesinë në republikën e Shqipërisë.

4. Nëse ministria e arsimit ka menduar për të bërë kontrata me salla sporti, me restorante të boshatisur, me salla publike, etj., në cdo qytet kundrejt qirasë bravo i qoftë milingonës. Nëse nuk e ka bërë por ka bërë bzbzbzbz gjinkalla gjithë vapës të verës, atëhere ka sabotuar rëndë infrastrukturën e shkollës.

5. Nëse ministria e arsimit ka përgatitur amendime në ligjën për arsim duke parashikuar mësimin në shtëpi, në distancë, të drejtën për ta njohur vitin shkollor me provime semestrale, etj., bravo i qoftë milingonës, por nëse në vend të këtyre gjinkalla është marrë me broçkulla e tekste antikushtetuese dhe antiligjore duke bërë bzzzzzzzzz në breg të detit, atëhere, ka sabotuar kuadrin ligjor të përballimit të krizës.

Koha që luani, tigri, elefanti, dhelpra, të marrin në shqyrtim sjelljen e këtij insekti, nëse ka qenë milingonë ose gjinkallë se përndryshe, milingona – gjinkallë është kthyer në çakall që po ha dijen kombëtare, po vret nxënës dhe mësues, po shkatërron dijen e rinisë shqiptare, dhe këtë këtij kombi nuk ja ka bërë asnjë pushtues.

/portali DurresLajm/

Na bëni like në facebook!: 

Lajme nga e njëjta kategori

Një greviste është dërguar në gjendje të rënduar shëndetësore në spitalin e Ballshit duke lënë grevën e urisë.

Ekspertja e ISHP-së, Silva Bino i është drejtuar me një mesazh të gjithë qytetarëve, vecanërisht skeptikëve për ekzistencën e Covid-19.

"Nëse do duhet të bënim një apel sot, apeli do të ishte i thjeshtë për çdo grua, për çdo nënë, ju lutem mos neglizhoni asgjë nëse ka

Ministrja e Shëndetësisë, Ogerta Manstirliu ka përcjellë ditën e sotme një mesazh për të gjithë qytetarët përmes Prof. Silva Bala.

Universiteti i Tiranës ka publikuar projektrregulloren e brendshme për fillimin e vitit të ri akademik më 2 nëntor, sa i takon mbrojtjes

Nga qyteti i Lezhës, ministrja e Shëndetësisë dhe Mbrojtjes Sociale, Ogerta Manastirliu deklaroi në Ditën Kombëtare të Depistimit të Kanc

Ndryshon ligji për shëndetin mendor, shtohen rastet për gjobitjen e mjekëve deri 50 mijë lekë; Ja kur hiqet e drejta e profesionit deri n

Shqipëria mori sot në dorëzimin 60 respiratorë të prodhuar në Amerikë nga stoku i NATO-s për të përballuar betejën me Covid 19.

Në bashkinë e Durrësit është zhvilluar takimi në kuadër të përmbylljes së Fushatës Ndërgjegjësuese kundër kancerit të gjirit, organizuar

E gjendur përballë një rrjeti inspektorësh antiCovid, të cilët do të jenë në krye të detyrës në rrugë e në mjedise të mbyllura, për zbati