Maturantët do të ulen sërish sot në bankat e shkollës, për t’iu nënshtruar provimit të dytë të Maturës Shtetërore, Gjuhës Shqipe dhe Letërsisë.

Ashtu si në provimin e parë të gjuhës së huaj, provimi do të zhvillohet nën masa të rrepta sigurie për shkak të situatës së krijuar nga koronavirusi. Maturantët do të duhet të respektojnë masat për të parandaluar përhapjen e COVID-19.

Në gjithë vendin janë 32 126 maturantë që do t’i nënshtrohen testit, që do të zhvillohet në 486 qendra provimi.

Ndërkohë në datën 15 qershor do të zhvillohet provimi i Matematikës dhe më 18 ai i lëndëve me zgjedhje.