Edon Zhegrova po shkëlqen te Lille, duke zhvilluar ndeshje tepër positive si në Ligue 1, por edhe në Champions League.
Sulmuesi dha një assist në barazimin 1-1 kundër Juventusit, për llogari të kompeticionit më të rëndësishëm në Europë.
Shtypi italian kohët e fundit, ka raportuar se “Zonja e Vjetër” e ka parë me interes progresin e tij.
Lidhur me të ardhmen, Zhegrova, foli në një intervistë për mediat italiane, ku zbuloi se e tërheq Serie A.
“Më pëlqen futbolli Italian, gjithmonë i ndjek skuadrat e mëdha si Milan dhe gjithashtu shoh ndeshjet e Juves e Interit. Në Kosovë ka shumë tifozë të Milanit, Interit dhe Juves. A do të luaja një ditë në Seria A? Në të vërtetë më pëlqen Milani”, u shpreh Zhegrova.
