Spiropali: Pakti për Universtitetin, jo zotim me fjalë po me projekte

Sipas ministres së Shtetit për Marrëdhëniet me Parlamentin, Elisa Spiropalit Pakti për Universtitetin është tashmë një zotim me projekte.

Spiropali shkruan në Facebook se "i tillë është edhe projekti i Kampusit të ri që do t'i ndërtohet godinës së Universitetit të Arteve, projektuar me mjeshtëri nga arkitekti italian, Marco Casamonti."

Pakti për Universitetin është zotim që nuk formësohet me fjalë relike, por me projekte epike.

I tillë është edhe projekti i Kampusit të ri që do t'i ndërtohet godinës së Universitetit të Arteve, projektuar me mjeshtëri nga arkitekti italian, Marco Casamonti.

Ky Kampus i standardeve më të larta perëndimore, i jep tonus ambicieve tona dhe punës vijuese, për kthimin e Universiteteve në hapësira komode, ku studentët më shumë se çka tjetër, do t'i përgjigjen pasioneve përmes dijes dhe opsioneve.