Alekxei Navalny dita ditës po bëhet gjithnjë e më mirë, i transferuar në spitalin Charité në Berlin që nga 22 gushti. Në këtë kontekst, spitali gjerman njoftoi të hënën pasdite se politikani rus “po merr frymë, tani, pa mbështetje mekanike” .
Përveç kësaj, Navalny ka filluar të ngrihet nga shtrati, me gjendjen e tij duke u përmirësuar vazhdimisht. Kujtohet se Navalny u helmua më 20 gusht në Tomsk, Siberi dhe u vendos në koma artificiale.
Më 22 gusht, Navalny u transferua nga Rusia në Berlin dhe u pranua në Klinikën Charité.
Më herët sot, në një komunikim midis Macron dhe Putin, presidenti francez informoi homologun e tij rus se testet e kryera nga laboratorët francezë konfirmuan helmimin e Navalny.
Në të njëjtën kohë, zëdhënësi i qeverisë gjermane Stephen Seibert tha se “ne rinovojmë thirrjen tonë në Rusi për të shpjeguar se çfarë ndodhi.
“Ne jemi në kontakt të ngushtë me partnerët tanë evropianë për hapa të mëtejshëm,” tha ai , duke shtuar se helmimi Navalny ishte një “shkelje serioze” e Konventës së Armëve Kimike.
