Tefik Osmani firmos me Teutën

04/08/2018 - 13:21

Tefik Osmani është mbrojtësi më i ri i Teutës. Pas një telenovele të gjatë me emra ekipesh, Osmani ka zgjedhur të rikthehet te Teuta. Bledi Shkëmbi konfirmoi gjithçka. “Pas marrëveshjes së arritur me presidentin, Osmani është tashmë një lojtar i Teutës.”, ishte komenti i trajnerit. Ish-lojtari i Skënderbeut u zyrtarizua nga klubi bregdetar edhe nëpërmjet faqes zyrtare në “Facebook”.

Me afrimin e Osmanit, bregdetarët kompletojnë repartin e mbrojtjes, pasi në zemër të repartit difensiv do të luajnë Bicaj-Osmani, por gjithashtu korçari mund të luajë edhe në mesfushë përpara mbrojtjes, rol të cilin e ka bërë në vitin e fundit te Skënderbeu.

Rikthimi i tij në Durrës është një vlerë e shtuar për stafin teknik, pasi korçari ka një eksperiencë të madhe, atë që Teuta ka më shumë nevojë në këtë sezon, për shkak se pjesa më e madhe e afrimeve është në një moshë të re. 33-vjeçari e njeh mjaft mirë ambientin në Durrës, pasi ka qenë pjesë e bregdetarëve në sezonet 2011-2012 kur luftonin për titullin kampion me Skënderbeun dhe në sezonin 2013–2014 përpara se të bashkohej me kampionët në fuqi të vendit. 33-vjeçari ka një karrierë të pasur në Shqipëri duke luajtur për skuadrat më të mira si: Skënderbeu, Elbasani, Partizani, Tirana, Teuta, Vllaznia apo edhe Tomorri.

Afrimi i tij në Durrës, tregon qartë se Bledi Shkëmbi po ndërton një projekt ambicioz ku pjesëmarrja në kompeticionet evropiane është objektivi më minimal për këtë sezon duke parë afrimet që janë bërë në skuadër gjatë kësaj periudhe. Gjithsesi skuadra do të ishte e kompletuar në çdo rol në rast se bregdetarët nënshkruajnë edhe me një sulmues tjetër, pasi deri tani kanë nënshkruar vetëm me Camara, ndërsa kanë qëndruar Latif dhe Peqini.

/portali DurresLajm/

Na bëni like në facebook!: 

Lajme nga e njëjta kategori

Sami Khedira nuk udhëtoi me Juventusit për ndeshjen e Championsit me Atleticon për një arsye shumë të rëndësishme që ka të bëjë me shënde

Romelu Lukaku do të largohet nga Manchester United në fund të këtij sezoni.

10 milionë euro mbajnë larg marrëveshjen mes Interit dhe Barcelonës për transferimin e Ivan Rakticit në Serinë A.

Futbolli luhet për ata, por në stadiumet shqiptare prezenca e tifozëve nuk është në nivelet që të gjithë do të dëshironim, ndonëse java e

Alberto Cerri është përfundimisht futbollist i Cagliarit.

Teuta në vend të dytë, Teuta me një mjeshtër porte si Isli Hidi që përjeton rininë e dytë, Teuta me eksperiencë për të shitur në mbrojtje

Mbrëmjen e djeshme, Dortmundi u ndal në një barazim pa gola në transfertën ndaj Nurenberg, por një episod i veçantë ndodhi në minutën e 1

Pro Piacenza për shfaqen e shëmtuar që dhuroi të dielën, shfaqe që bëri xhiron e botës e pëson keq.

Trajneri i njohur argjentinas, Marselo Bielsa, bëri bujë pasi metoda e tij për të zbuluar taktikat e kundërshtarëve doli në dritë.

Në “Anfield Road” luhet sot akti i parë i një përplasjeje të madhe të Champions League mes Liverpoolit dhe Bayernit të Mynihut.