Statusi në rrejtin social Facebook, për pak sa nuk i merr jetën një 18-vjeçari. Debati ka ndodhur mes Emiljano Bashës, 26 vjeç, dhe një 18-vjeçari në Gjirokastër.
Ironitë dhe debatet ia lanë vendin ofendimeve, deri sa Basha e gjeti 18-vjeçarin në Urën e Kardhiqit dhe më pas nisi të konfliktohej me të fizikisht.
Basha e goditi 18-vjeçarin disa herë me sende të forta në fytyrë, kokë dhe trup, duke e plagosur.
Deshmitarët njoftuan ambulancën dhe i riu u shtrua me urgjencë në Spitalin e Gjirokastrës. Pak minuta pas ngjarjes, Policia arrestoi 26 vjeçarin Basha.
