Deputeti socialist Paulin Sterkaj i kërkoi ministrit të Brendshëm Sandër Lleshi që të mos nxjerrë punonjësit e policisë në protestë pa uniformat përkatëse.
"I bëj thirrje ministrit të Brendshëm dhe drejtorit të Policisë që policinë të mos ma nxjerrin pa mjete intervenimi. Jo policë me uniformë policie përballë protestuesve, por policët të jenë të veshur me të gjitha pajisjet e sulmit të turmave që destabilizojnë vendin",- tha Sterkaj pas përfundimit të seancës plenare.
Apeli i Sterkajt erdhi pas protestës së opozitës para Kuvendit, ku nuk munguan momentet e tensionit mes protestuesve dhe policisë.
