Portieri i Kombëtares, Thomas Strakosha ishte protagonist me pritjet e tij në triumfin që Lacio arriti përballë Juventusit duke fituar Superkupën e Italisë. Ja vlerësimi i medias italiane për paraqitjen e tij.
STRAKOSHA 7- Arrin ta bëjë shpesh herë normal konceptin e mrekullisë. Pritja ndaj Kuadrados pas vetëm 3 minutash lojë ishte diçka jo e zakonshme, diçka prej fenomeni. Ndoshta, i vetmi gabim ishte ai që nuk kërkoi të vendoste një lojtar më shumë në barrierë, në goditjen e dënimit të Dibalës, e cila përfundoi në rrjetë. Pa faj në rastin e penalltisë, ndonëse në këtë Superkupë janë edhe duart e tij. Madje edhe këmbët…
