Artisti latin, Maluma, do të mbajë një koncert në sheshin “Nënë Tereza” në Tiranë.

Mbrëmja është organizuar nga kryetari i Bashkisë, Erion Veliaj, gjersa ishte menduar fillimisht të vinte në Shqipëri para pandemisë.

Por ky fakt duket se nuk u prit edhe aq mirë nga reperi Stresi, i cili kërkoi nga populli ta bojkotonte këtë koncert.

Në një shkrim të bërë në rrjete sociale, Arkimed Lushaj thotë se populli nuk kanë bukë për të ngrënë, ndërkohë që kostoja e këtij eventi ka kaluar 700 mijë euro.

“Populli nuk ka bukë për të ngrënë? Dhe e dini sa ka shkruar kostoja e këtij koncerti? Mbi 700 mijë euro organizim. Bojkotojeni këtë koncert”, shkruan ai.

Maluma do të performonte në vitin 2020, por shfaqja ishte shtyrë deri në këtë kohë për shkak të situatës së krijuar me COVID-19.

Në koncert do të këndojnë edhe artistë të tjerë shqiptarë dhe Elgit Doda është njëri prej tyre, po ashtu do të jetë edhe Ronela Hajati.