Studentët e Fakultetit Juridik janë mbledhur para gjimnazit të Tiranës "Petro Nini Luarasi" për të zhvilluar mësim në këto ambiente, por janë përballur me mbylljen e derës me zinxhirë nga studentët bojkotues.
Të ndodhur në këto kushte, studentët që kërkojnë të zhvillohet mësim për të mos humbur vitin akademik janë futur përmes një dere tjetër të gjimnazit.
"Do zhvillohet mësim çdo mbasdite te gjimnazi "Petro Nini". Do ketë mësim dhe të shtunë edhe të diel. Jemi të detyruar për këtë zgjidhje", ka thënë Dekani i Juridikut, Artan Hoxha.
Dekani i është drejtuar dy ditë më parë me një kërkesë Ministrisë së Arsimit, Sportit dhe Rinisë, ku kërkoi ambiente të reja për zhvillimin e procesit mësimor.
