Një studim i ri i shkencëtarëve nga Universiteti i Kembrixhit dhe Kolegji Imperial në Londër, ka zbuluar se njerëzit që kalojnë infeksione të rënda nga COVID-19 kanë probleme me kujdesën. Sipas Sky News, nga studimi i tyre thuhet se efektet e infeksionit me koronavirus qëndrojnë tek pacientët edhe më shumë se gjashtë muaj pas sëmundjes.
Ka një numër në rritje të provave që Covid-19 shkakton probleme të shëndetit mendor, edhe pacientët e shëruar por që ende kanë simptoma disa muaj pas infektimit.
Simptomat që përfshihen sipas shkencëtarëve janë lodhje, mjegull të trurit, probleme në kujtimin e fjalëve, pagjumësi, ankth dhe madje edhe çrregullim të stresit. Studiuesit testuan 46 individë që morën kujdes spitalor për COVID-19 në Spitalin Addenbrooke në Kembrixh.
Individët iu nënshtruan testeve të detajuara mesatarisht gjashtë muaj pas sëmundjes së tyre akute duke përdorur platformën Cognitron.
Studiuesit vlerësojnë se madhësia e humbjes së kujtesës është mesatarisht e ngjashme me atë të pësuar nga mosha 20 vjeç, midis 50 dhe 70 vjeç, dhe se kjo është e barabartë me humbjen e 10 pikëve të Koeficienti i inteligjencës (IQ).
