Kryegjyshi Botëror, Baba Mondi ka dhënë një sot mesazh për të gjithë besimtarët bektashinj por edhe çdo shqiptar në festën e Sulltan Novruzit.
Baba Monnfi u lut që shqiptarët të kalojnë sa më lehtë përhapjen e koronavirusit, ndërsa në lutjet e tij, u ndal edhe te politikanët, që sot më shumë se kurrë duhet të jenë të bashkuar e të kuptojnë që edhe ata janë njerëz të zakonshëm.
“Shpresojmë ta kalojmë sa më lehtë këtë situate. Çdo humbje jete na trishton shumë. T’i japim forcë dhe shpresë personave të sëmurë. T’i japim shpresë mjekëve dhe infermierëve. Hapni sytë se kjo botë është gënjeshtër. Për herë të parë pas vitesh nuk jemi bashkë. Po në komunizëm nuk ishte e njëjta gjë? Jo! Nuk ka vend për ligështi, ne do të festojmë. Edhe të ndarë fizikisht do të jemi të bashkuar shpirtërisht sot e mot. Do lutemi që Shqipëria jonë e vogël që ta kalojmë sa më lehtë. Lutemi që politikanët se janë njerëz të zakonshëm dhe do të marrin ndëshkim saherë që mendojnë për pasurinë e tyre duke lënë pas nevojat tona. Kemi një vend të bekuar që na e ka falur zoti. Motra dhe vëllezër, të festojmë. Sulltan Novruzi të na largojë këtë të keqe dhe të na fali paqe. Zoti iu bekohtë! Amin!”-tha Baba Mondi.
