Policia lokale ka informuar se dy persona kanë ndërruar jetë, si pasojë e një sulmi me thikë në një kishë në San Jose të Kalifornisë.
Departamenti i Policisë në San Jose ka lajmëruar përmes një postimi në rrjetin social, “Twitter” se zyrtarët i janë përgjigjur sulmit në orët e vona të 22 nëntorit në një kishë.
Ata kanë thënë se disa persona janë plagosur, disave u është kërcënuar jeta, teksa më vonë janë njoftuar për dy viktima.
Policia ka thënë se në kohën e sulmit nuk ka qenë duke u kryer asnjë shërbim në kishë, mirëpo personat e pastrehë kanë qenë aty për t’iu shmangur motit të ftohtë.
