15 persona u plagosën në një fabrikë gomash të rënda në Japoninë qendrore pas një sulmi me thikë.
Disa nga të plagosurit u lënduan me mjetin prerës thikë, ndërsa të tjerë u sulmuan me një lëng që thuhet se ishte zbardhues.
Një zëdhënës i autoriteteve shpjegoi se kishin marrë një telefonatë se në një fabrikë gome pesë ose gjashtë persona ishin therur dhe se në sulm ishte përdorur edhe lëng në formë spreji.
Mediat japoneze raportuan arrestimin e një burri të dyshuar për tentativë vrasjeje. Nga 15 të plagosurit, të paktën gjashtë janë në spital.
Krimi i dhunshëm është relativisht i rrallë në Japoni, ku shkalla e vrasjeve është e ulët dhe ligjet për armët janë ndër më të rreptat.
