Pas sulmeve të kreut të PL Ilir Meta ndaj SPAK dhe Altin Dumanit, ka reaguar sërish ambasadori i Bashkimit Evropian në Shqipëri, Silvio Gonzato. Ai u shpreh se sulmet apo intimidimet kundër anëtarëve të gjyqësorit nuk kanë vend në një vend demokrat.
“Sulmet apo intimidimet kundër anëtarëve të gjyqësorit nuk kanë vend në demokraci. Ne mbështesim dënimin e Këshillit të Lartë të Prokurorisë të deklaratave të fundit të papranueshme publike të drejtuara kundër SPAK. Bashkimi Evropian qëndron pranë magjistratëve dhe profesionistëve shqiptarë të angazhuar në luftën kundër korrupsionit dhe krimit të organizuar”, tha Gonzato.
