Një digë e madhe e vendosur në një pjesë të kontrolluar nga Rusia të Ukrainës jugore është hedhur në erë nga forcat ruse, sipas ushtrisë së Ukrainës.
“Ushtria ruse ka kryer një akt tjetër terrori”, tha Oleksandr Prokudin, kreu i administratës ushtarake të rajonit Kherson, i emëruar nga Ukraina, në një video në Telegram. “Ai ka hedhur në erë hidrocentralin Kakhovka. Uji do të arrijë nivelin kritik në pesë orë. Evakuimi në zonën e rrezikut ka filluar.”
“Të gjitha shërbimet po funksionojnë,” shtoi Prokudin, duke u kërkuar banorëve përgjatë Bregut Lindor të lumit Dnipro që “të largohen menjëherë nga zonat e rrezikshme”.
Një video me dron u shfaq të hënën vonë, duke treguar një përmbytje uji që buron nga një çarje e konsiderueshme në digë.
Komanda Operacionale e Ukrainës Jug konfirmoi të martën shkatërrimin e digës në një postim në Facebook, duke thënë se po vlerësonin shkallën e shkatërrimit dhe po llogaritnin zonat e mundshme të përmbytjeve.
Nuk mund të thuhet se kush është përgjegjës për dëmet e shkaktuara në digë në këtë moment.
Megjithatë, kryetari i komunës së Nova Kakhovka, Vladimir Leontiev, të martën mohoi se diga ishte shembur në një intervistë me agjencinë shtetërore ruse të lajmeve RIA Novosti, duke e quajtur atë “të pakuptimtë”.
