Më shumë se 100 persona janë plagosur në Izrael për shkak të sulmeve me raketa nga Rripi i Gazës kundër zonave jugore dhe qendrore të vendit.
Sipas “The Times of Israel”, Qendra Mjekësore Soroka në Beer Sheva tha se kishte marrë 80 persona të plagosur, disa në gjendje të rëndë.
Ndërsa Qendra Mjekësore Assaf Harofeh, pranë Tel Avivit, po ofron kujdes për 17 pacientë, dy prej të cilëve janë në gjendje të rëndë. Në Qendrën Mjekësore Kaplan në Rehovot janë gjithashtu 21 të lënduar, dy në gjendje të rëndë.
