Sylvinho befason me formacionin kundër Çekisë! “Skuqet” Praga, 5 mijë tifozë shqiptar mbështesin kuqezinjtë

Shqipëria kërkon të befasojë Çekinë sonte në mbrëmje në “Fortuna Arena” në Pragë për të forcuar ëndërrën “Euro 2024”.

Atmosfera në kampin kuqezi është e shkëlqyer, futbollistët njëzëri kanë dekluar se me këtë grup kualifikimi është i arrishëm.

Edhe në stadium atmosfera do të jetë e zjarrtë, pasi rreth 5 mijë tifozë do të mbështesin ekipin në këtë transfertë tepër të rëndësishme.

Megjithatë fjalën e fundit do ta thotë fusha dhe trajneri Sylvinho ka ideuar formacion kundër çekëve.

Me modulin 4-3-3 në portë do të luajë kapiteni Etrit Berisha, në krahun e djathtë të mbrojtjes Hysaj, në të majtë Mitaj, në zemër të repartit difensiv do të operojnë Ismjali dhe Gjimshiti.

Në mesfushë afër njëri-tjetrit do të luajnë Bajrami, Ramadani dhe Asllani. 

Në të djathtë Asani, në të majtë Seferi, i cili ka fituar balotazhin me Uzunin, në mbështetje të Cikalleshit.

Shqipëria është përballur vetëm një herë në histori me Republikën Çeke, në miqësoren e vitit 2021, zhvilluar në Pragë të cilën e fitua vendasit 3-1.

UEFA ka zgjedhur për këtë ndeshje gjyqtarin anglez Anthony Taylor, i cili do të ketë mbështetjen e Gary Beswick dhe Lee Betts. Gjyqtar i katërt do të jetë Craig Pawson.