Deputeti i Partisë Demokratike, Ervin Salianji ka deklaruar se opozita do të publikonte sot fakte për të diskutuar me mazhorancën në lidhje me akuzat për përfshirjen e kryeministrit Edi Rama në aferën e ish-zyrtarit të FBI-së Charles McGonigal që u arrestua në SHBA.
Në një intervistë në Panorama TV, Salianji foli lidhur me situatën kaotike të krijuar këtë të enjte në Kuvend dhe tha se mazhoranca shmangu debatin publik.
“Sot mazhoranca ishte më e pacipë e paturpë. Mazhoranca nuk tentoi se nuk gjeti dot mënyrë për të shtrytëzuar përçarjen e opozitës se u bllokua seanca e nuk u lejua të bënin nga këto lojërat me opozitën.
Sot ata shkelën çdo normë të parlamentarizmit pa u skuqur fare për të shamngur debatin publik, fakte dhe fakte të tjera që do kemi kohë ti pubikojmë, ne sot do i publikonim në Kuvend për të bërë debat me PS.
Sot mazhoranca iu fsheh si djalli temjanit dhe ikën me vrap. Të jepnin përgjigje si qeveria është përfshirë në afera korruptive që dëmtojnë interesat e Shqipërisë në raport me SHBA”-tha Salianji.
Ndërsa i pyetur në lidhje me thirrjen e Shkëlzen Berishës në SPAK Salianjiu përgjigj: “Institucionet e drejtësisë po përdoren nga kryeministri dhe PS, tentativë për të zhvendosur vëmendjen nga afera më e rëndë ndonjëherë e përfshirjes së kryeministrit për të korruptuar një zyrtar të lartë të FBI përmes persënave të tretë.
Hetimet për Gërdecin ka pasur kohë ti bëjë prokuroria. Nuk mbeti sot, sot duhet të thërriste e tregonte pavarësi për të thërritur oliogarkun rus, ortakët, kryeministrin e vendit apo këta dy persona që kanë dhënë para. Cili është burimi i parave pse shfaqen me kryeministrin herë pas herë, cila është lidhja? Sot kanë dalë foto nga takime në dreka e darka, aktakuza e SHBA që ka qenë me dhjetra herë në takime, pra po ashtu akuza politike”.
