Ledri Vula dhe Sara Hoxha janë fotografuar për herë të parë pranë njëri-tjetrit që prej ndarjes së tyre, kjo për arsyen e ditëlindjes së vajzës së tyre, Poem.
Reperi merr vajzën në krah, teksa Sara merr arushin e pelushit që ai i ka sjellë dhe largohet menjëherë, duke u mjaftuar vetëm me disa puthje nga vogëlushja e tyre dhe as edhe një përshëndetje me yllin e muzikës.
Më tej Sara ecën disa hapa para si për t’iu shmangur ecjes krah më krah me ish-të dashurin e saj. Ndërkohë që edhe këngëtari duket qartazi që nuk kthen as vështrimin nga ish-partnerja.
Ata zbuluan kështu sot ndarjen e vështirë që dyshja ka pasur, ku ndonëse janë dy prindër që për vajzën e tyre nuk mungojnë kurrë, marrëdhënia e tyre duket akull.
