Në Bruksel kanë përfunduar të gjitha takimet në kuadër të dialogut Kosovë-Serbi, ku morën pjesë kryeministri i Kosovës, Albin Kurti, presidentit të Serbisë, Aleksandër Vuçiç, Shefi i politikës së jashtme të BE-së, Josep Borrell dhe të Dërguarin e Posaçëm të BE-së për dialogun Kosovë-Serbi, Miroslav Lajçak.
Përfaqësuesi i Lartë i BE-së për Politikë të Jashtme dhe Siguri, Josep Borrell ka deklaruar pas përfundimit të takimit, se kryeministri Kurti, nuk e pranoi propozimin e BE-së për themelimin e Asociacionit.
“Sot, me kryeministrin Kurti dhe presidentin Vuçiç, kam tentuar që të gjejmë zgjidhje për një rrugë përpara, bazuar në propozimin tonë. Fatkeqësisht, pas një takimi të gjatë, kryeministri Kurti nuk ka qenë i gatshëm që të ecë përpara në fillimin e një procesi të besueshëm për themelimin e Asociacionit, të komunave me shumicë serbe në Kosovë.
Ai insistoi në vend të kësaj në formalizimin e njohjes de facto si hapin e parë. Më duhet të them se presidenti Vuçiq e pranoi propozimin e Bashkimit Evropian për zbatimin e Marrëveshjes. Ai erdhi me një propozim tjetër, por më në fund e pranoi propozimin tonë”, ka deklaruar Borrell.
