Edhe pse kanë shpallur zyrtarisht fejesën e tyre, Taylor Swift dhe Travis Kelce po presin të hedhin një hap të rëndësishëm përpara martesës, nënshkrimin e një marrëveshjeje paramartesore.
Arsyeja kryesore? Diferenca e madhe mes pasurive të tyre. Pasuria e këngëtares së njohur vlerësohet rreth 1.6 miliardë dollarë, ndërsa ajo e yllit të NFL, Kelce, llogaritet rreth 90 milionë dollarë.
“Një kontratë paramartesore ka logjikë. Ajo siguron që pasuritë ekzistuese të mbrohen dhe shmangen konfliktet e shtrenjta në të ardhmen”, shpjegon për Page Six avokatja Kara Chrobak.
Sipas saj, disa prej termave që pritet të jenë thelbësorë për Taylor Swift janë mbrojtja e të ardhurave nga turnetë muzikorë dhe bashkëpunimet komerciale. Nga ana tjetër, për Travis Kelce, fokusi do të jetë në garantimin e të ardhurave nga kontratat e NFL-it, marrëveshjet me sponsorë dhe aktivitetet e tij biznesore, si podcast-i i suksesshëm New Heights.
Një tjetër pikë që duhet qartësuar është ndarja e mundshme e të ardhurave të përbashkëta gjatë martesës. Një aspekt veçanërisht i rëndësishëm për çiftin, është e drejta mbi imazhin e tyre.
“Të dy janë marka më vete, përveçse njerëz. Marrëveshja duhet të garantojë që askush të mos përfitojë nga emri apo imazhi i tjetrit nëse lidhja përfundon,” thekson Chrobak.
Ekspertët ligjorë theksojnë gjithashtu nevojën për klauzola të besueshmërisë dhe ndalimin e fyerjeve publike në rast ndarjeje, për të shmangur ekspozimin mediatik apo rrëfimet personale.
Një çështje që gjithashtu pritet të diskutohet është ndikimi i marrëveshjes në krijimtarinë artistike të Taylor Swift, e cila shpesh frymëzohet nga jeta e saj personale. Nëse parashikohet në kontratë, ajo mund të detyrohet të mos përfshijë në tekstet e saj detaje për Travis Kelce në të ardhmen.
Sipas ekspertëve ligjorë, Taylor Swift ka më shumë për të mbrojtur financiarisht, pasi ajo zotëron:
400 milionë dollarë nga katalogu i saj muzikor
160 milionë dollarë nga marrëveshjet për streaming
370 milionë dollarë nga turnetë muzikorë
Rreth 80 milionë dollarë në prona (në Nju Jork, Rhode Island dhe Florida)
Nga ana tjetër, Travis Kelce, i cili është në fazën e fundit të karrierës së tij në NFL, mund të jetë më këmbëngulës në negociata. Shumë ekspertë besojnë se marrëveshja duhet të përjashtojë çdo formë të pagesës së mbështetjes financiare pas ndarjes, pasi të dy janë shumë të pasur.
Deri më tani, mbetet e paqartë nëse çifti ka filluar zyrtarisht bisedimet për kontratën paramartesore.
