FROSINONE, 16 shkurt 2013 – Karabinierëve u kishin dhënë përshtypjen e dy të dashuruarve romantikë që kishin zgjedhur të udhëtonin me kamperin e tyre në fundjavë, por në të vërtetë nuk ishin gjë tjetër veçse dy korrierë droge.
Policia italiane bën të ditur se mëngjesin e sotëm janë ndaluar nga karabinierët e provincës së Frosinones, afër Cepranos një 60 vjeçar nga Aquila dhe e dashura e tij ukrainase 46 vjeçare.
Çifti hiqej sikur kishte ndërmarrë një udhëtim romantik me kamperin e tyre, por në të vërtetë transportonin jo pak, por 774 kg marijuanë. Fatkeqësisht udhëtimi i tyre “romantik” përfundoi pas hekurave.
(m.b./AGJENCIA E LAJMEVE "DYRRAH")
