20 gusht 2014 – Të dobësohesh vetëm me mendim! E vështirë, por jo e pamundur! Shembulli i gjallë për këtë është britanikja Julie Evans.
35-vjeçarja, nënë e dy fëmijëve, peshonte 130 kilogram dhe pas shumë përpjekjesh për dobësim provoi hipnozën.
Ka shumë lloje hipnozash për ulje në peshë, por zonja Evans provoi variantin e simuluar të një të ashtuquajturi “bypass gastrik”, pa qenë nevoja t’i nënshtrohet ndërhyrjes kirurgjikale.
Procedura i kushtoi 1200 dollarë nga 35000 që shkonte operacioni dhe gruaja ka humbur më shumë se gjysmën e peshës falë hipnozës, që e shtyn trurin të besojë se stomaku është më i vogël, ndërsa i sjell dhe dëshirën për ushqime të shëndetshme.
/agjencia e lajmeve “Dyrrah”/
