Mesditën e së enjtes do të mbahet mbledhja e radhës e Këshillit Bashkiak Durrës. Në rendin e ditës janë përfshirë 11 pika, por më kryesorja mbetet pika 7, që ka të bëjë me miratimin e buxhetit të vitit 2021.

Ndërkohë, megjithëse 13 muaj nga tërmeti i 26 nëntorit, ende nuk ka marrë fund shembja e pallateve të dëmtuara nga lëkundja sizmike. Në mbledhjen e datës 24 dhjetor do të miratohet nga Këshilli Bashkiak shembja e një pallati në njësinë administrative nr.4, në rrugën “Aleksandër Goga”.

Njëkohësisht, këshilltarët pritet të miratojnë edhe taksat dhe tarifat vendore që do të aplikohen në bashkinë Durrës gjatë vitit të ardhshëm.

Pikat e rendit të ditës:

1. Shqyrtim dhe miratim i projektvendimit  – PËR MIRATIMIN E FAMILJEVE PËRFITUESE TË NDIHMËS EKONOMIKE NGA FONDI I KUSHTËZUAR PËR BLLOK NDIHMËN EKONOMIKE DERI 6% DHE FONDI NGA TË ARDHURAT E BASHKISË, PËR MUAJIN DHJETOR 2020

2. Shqyrtim dhe miratim i projektvendimit  – PËR MIRATIMIN PËR NJË SHTESË NË KONTRATËN E QIRASË ME TARIFËN 1 EURO/KONTRATA, QË MBAN NR. 12644 PROT., DATË 30.07.2019, E LIDHUR NDËRMJET BASHKISË DURRËS, SI QIRADHËNËS, DHE SHOQËRISË “UNIEURO” SH.P.K., SI QIRAMARRËS, PËR PASURINË NJË PJESË E KATIT TË PARË TË ISH REPARTIT TË URT-SË, ME SIPËRFAQE TË PËRGJITHSHME 930 M2 (NGA KJO SIP. NDËRTIMI 900 M2 DHE SIP. FUNKSIONALE 30 M2 ), DHE MIRATIMIN PËR FILLIMIN E PROÇEDURAVE NËPËRMJET MINISTRISË SË FINANCAVE DHE EKONOMISË PËR DHËNIEN E MIRATIMIT NGA KËSHILLI I MINISTRAVE PËR NJË SHTESË NË KONTRATËN E QIRASË ME TARIFËN 1 EURO/KONTRATA, ME SIPËRFAQE TË PËRGJITHSHME 152 M2 (NGA KJO SIP. NDERTIMI 130 M2 DHE SIP. FUNKSIONALE 22 M2 ), MIRATUAR ME VENDIM TË KËSHILLIT TË MINISTRAVE NR. 507, DATË 17.7.2019

3. Shqyrtim dhe miratim i projektvendimit – PËR MIRATIMIN E DHËNIES ME QIRA TË AMBJENTIT ME VENDODHJE NË KATIN ZERO TË NDËRTESËN ME NR. PASURIE 5/109, ZK 8516, ME SIPËRFAQE TË PËRGJITHSHME 585.2 M2 (NGA KJO SIP. NDËRTIMI 555 M2 DHE SIP. FUNKSIONALE 30.2 M2 ), NË INVENTAR TË NDËRMARRJES TREGTISË ME SHUMICË (BGT), PRONË E BASHKISË DURRËS, PËR NJË AFAT 3 (TRE) VJET, NËPËRMJET PROÇEDURËS SË KONKURRIMIT

4. Shqyrtim dhe miratim i projektvendimit të këshillit – PËR MIRATIMIN E PROGRAMIT TË PUNËS SË KËSHILLIT TË BASHKISË DURRËS PËR PERIUDHËN JANAR 2021 – DHJETOR 2021

5. Shqyrtim dhe miratim i projektvendimit – PËR VIJIMIN E PROÇEDURAVE TË PRISHJES SË DETYRUAR TË 1 (NJË) OBJEKTI BANIMI, PRONË PRIVATE (PALLAT), NDODHUR NË NJËSINË ADMINISTRATIVE NR.4, DURRËS, NË ZBATIM TË EKSPERTIZËS TË THELLUAR, HARTUAR NGA INSTITUTI I NDËRTIMIT, TIRANË

6. Shqyrtim dhe miratim i projektvendimit – PËR MIRATIMIN E LISTËS SË FAMILJEVE PËRFITUESE TË SUBVENCIONIMIT TË QIRASË, TË MBETURA TË PASTREHA, SI PASOJË E SHËMBJES SË BANESAVE TË TYRE, SHKAKTUAR NGA PRISHJA E DETYRUAR E PALLATEVE, SIPAS EKSPERTIZAVE TË THELLUARA HARTUAR NGA INSTITUTI I NDËRTIMIT TIRANË

7. Shqyrtim dhe miratim i projektvendimit – PËR MIRATIMIN E BUXHETIT TË BASHKISË DURRËS PËR VITIN 2021, SI DHE PROJEKTBUXHETIN AFATMESËM TË BASHKISË DURRËS PËR VITET 2021-2023

8. Shqyrtim dhe miratim i projektvendimit – MBI MIRATIMIN E KALENDARIT TË PËRGATITJES SË PROGRAMIT BUXHETOR AFATMESËM (PBA) PËR VITET 2022-2024 DHE BUXHETIT VJETOR

9. Shqyrtim dhe miratim i projektvendimit – PËR MIRATIMIN E NGRITJES SË KËSHILLIT ARTISTIKO-KULTUROR DHE SHPËRBLIMIN E ANËTARËVE TË TIJ

10. Shqyrtim dhe miratim i projektvendimit – PËR MIRATIMIN E LISTAVE EMËRORE TË NXËNËSVE TË ARSIMIT PARAUNIVERSITAR DHE KONVIKTEVE TË SHKOLLAVE TË MESME PROFESIONALE, QË PLOTËSOJNË KRITERET LIGJORE PËR PËRFITIMIN E BURSAVE DHE PAGESAVE PËR VITIN SHKOLLOR 2020-2021

11. Shqyrtim dhe miratim i projektvendimit – PËR SISTEMIN E TAKSAVE DHE TARIFAVE VENDORE NË QYTETIN E DURRËSIT PËR VITIN 2021

Pyetje nga Këshilltarët – DISKUTIME DHE PYETJE NGA KOMUNITETI