Të enjten mblidhet KB Durrës, pjesa më e madhe e mbledhjes i dedikohet pagave të punonjësve të bashkisë

Mesditën e së enjtes, Këshilli Bashkiak Durrës do të zhvillojë mbledhjen e radhës, në rendin e së cilës janë planifikuar për t’u diskutuar dhe miratuar 12 projektvendime.

Ajo që bie në sy është se pjesa më e madhe e projektvendimeve që do të kërkojnë miratimin e këshilltarëve janë ato që lidhen me nivelin e pagave të punonjësve të bashkisë, institucioneve në varësi, Policisë bashkiake, etj.

Në rendin e ditës gjithashtu janë përfshirë edhe pikat që lidhen me miratimin e ndihmës ekonomike, rialokimin e fondit të rindërtimit të papërdorur gjatë vitit të kaluar në këtë vit buxhetor, etj.

Të gjitha pikat e rendit të ditës:

Pika 1. Propozim dhe miratim “PËR ZGJEDHJEN E ZËVENDËSKRYETARIT TË KËSHILLIT BASHKIAK”.

Pika 2. Shqyrtim dhe miratim i projektvendimit

“PËR RIALOKIMIN E FONDEVE TË RINDËRTIMIT TË PASHPENZUARA NË VITIN 2025, QË DO TË TRASHËGOHEN NË VITIN 2026”.

Pika 3. Shqyrtim dhe miratim i projektvendimit

“PËR MIRATIMIN E FONDIT PËR PËRBALLIMIN E EFEKTIT FINANCIAR TË RRITJES SË PAGAVE PËR PUNONJËSIT E BASHKISË DHE INSTITUCIONEVE E NDËRMARRJEVE NË VARËSI TË SAJ”.

Pika 4. Shqyrtim dhe miratim i projektvendimit

“PËR MIRATIMIN E NIVELIT TË PAGAVE TË PUNONJËSVE TË APARATIT TË BASHKISË SË DURRËSIT”.

Pika 5. Shqyrtim dhe miratim i projektvendimit “PËR MIRATIMIN E NIVELIT TË PAGAVE TË PUNONJËSVE TË NJËSIVE ADMINISTRATIVE TË BASHKISË SË DURRËSIT”.

Pika 6. Shqyrtim dhe miratim i projektvendimit “PËR MIRATIMIN E NIVELIT TË PAGAVE TË PUNONJËSVE TË POLICISË BASHKIAKE, DURRËS”.

Pika 7. Shqyrtim dhe miratim i projektvendimit “PËR MIRATIMIN E NIVELIT TË PAGAVE PËR PUNONJËSIT E NDËRMARRJEVE DHE INSTITUCIONEVE NË VARËSI TË BASHKISË DURRËS”.

Pika 8. Shqyrtim dhe miratim i projektvendimit “PËR NGRITJEN, FUNKSIONIMIN DHE PËRBËRJEN E KËSHILLIT KULTUROR, ARTISTIK DHE SPORTIV PËR PERIUDHËN 2026-2028”.

Pika 9. Shqyrtim dhe miratim i projektvendimit “PËR MIRATIMIN E FAMILJEVE PËRFITUESE TË NDIHMËS EKONOMIKE NGA FONDI I KUSHTËZUAR PËR BLLOK-NDIHMËN EKONOMIKE DERI 6% DHE FONDI I TË ARDHURAVE TË BASHKISË DURRËS, PËR MUAJIN SHKURT 2026”.

Pika 10. Shqyrtim dhe miratim i projektvendimit “PËR MIRATIMIN E FAMILJEVE PËRFITUESE TË NDIHMËS EKONOMIKE NGA FONDI I KUSHTËZUAR PËR BLLOK-NDIHMËN EKONOMIKE DERI 6% DHE FONDI I TË ARDHURAVE TË BASHKISË DURRËS, PËR MUAJIN MARS 2026”.

Pika 11. Shqyrtim dhe miratim i projektvendimit “PËR MIRATIMIN E DHËNIES PËR ZHVILLIM TË PASURISË ME NR.25/40, E LLOJIT “NDËRTESË”, ME SIPËRFAQE 410 M², NDODHUR NË ZONËN KADASTRALE 8518, RRUGA “PAVARËSIA”, LAGJJA NR.13, DURRËS, ME QËLLIM SHKËMBIMIN NË NATYRË PËR PËRFITIMIN E SIPËRFAQES NDËRTIMORE EKUIVALENTE OSE MË TË MADHE SE OBJEKTI EKZISTUES”.

Pika 12. Informim i Këshilltarëve: “INFORMACION NGA QENDRA EKONOMIKE E ARSIMIT MBI PROCEDURËN E DALJES JASHTË PËRDORIMIT/TJETËRSIMIT TË AKTIVEVE TË PANEVOJSHME TË INSTITUCIONEVE NË VARËSI TË SAJ”.