Kur Hansi Flick mbërriti në Barcelonë verën e kaluar, ai menjëherë u njoftoi lojtarëve se po prezantonte dhjetë rregulla që të gjithë duhet t’i respektojnë dhe se dënimet ishin të rrepta nëse ndonjë prej rregullave thyhej. Një vit më vonë, Flick vendosi të prezantonte një rregull tjetër dhe lojtarët e Barçës e kanë të qartë se fajtori kryesor është Lamine Yamal.Mediat spanjolle shkruajnë se Flick ua ka ndaluar lojtarëve të bëjnë festa shpesh gjatë sezonit dhe se ata duhet të konsultohen me të çdo herë për të shpjeguar se çfarë lloj feste po bëjnë dhe ai duhet t’u japë miratimin ose t’i refuzojë kërkesat e tyre.Dhe kur bëhet fjalë për festën e Krishtlindjeve dhe Vitit të Ri, ai tha se lojtarët do të duhet të konsultohen me të për atë që po planifikojnë për fundin e vitit.