Të paktën 13 persona janë plagosur si pasojë disa të shtënave gjatë një feste në një shtëpi në Chicago mëngjesin e sotëm. Personat e plagosur janë të moshave 16 deri në 48 vjeç, ku katër prej tyre janë në gjendje të rëndë shëndetësore.

Fillimisht disa persona u konfliktuan dhe situata përshkallëzoi deri në përdorimin e armëve të zjarrit. Policia arrestoi dy të dyshuar, ku njëri prej tyre është i plagosur.

Njërit prej tyre iu gjet një armë tip pistolete. Autoritetet po hetojnë deri në zbardhjen e plotë të ngjarjes.