Të shtëna me armë zjarri janë regjistruar mbrëmjen e sotme në kryeqytet. Policia bën me dije se “rreth orës 21:35, në vendin e quajtur “Fusha e Aviacionit”, një person që qarkullonte me automjet ka qëlluar në ajër me pistoletë manovër.
Grupi hetimor ndodhet në vendngjarje dhe po punon për sqarimin e rrethanave të ngjarjes. Në cilësinë e provës materiale është sekuestruar një gëzhojë pistolete manovër”.
Policia nga informacionet e marra në rrugë operative ka bërë të mundur identifikimin e personit të dyshuar dhe vijon puna për kapjen e tij.
