Irani pranoi të mërkurën se objektet e tij bërthamore pësuan dëme serioze nga bombardimet amerikane. Konkretisht, siç raportohet nga Associated Press, një zëdhënës i Ministrisë së Jashtme të Iranit tha se objektet bërthamore të vendit pësuan dëme serioze nga sulmet ajrore të SHBA-së, pa dhënë detaje të mëtejshme.
Fillimisht, zyrtarët iranianë dhe media shtetërore e kishin minimizuar më parë shkallën e dëmit në programin bërthamor të vendit. Pranimi erdhi disa orë pasi Presidenti i SHBA-së, Donald Trump, vuri në pikëpyetje një raport të inteligjencës amerikane që thoshte se sulmet nuk goditën objektet nëntokësore të programit bërthamor të Iranit.
Raporti paraprak i dëmit të shkaktuar nga agjencia e inteligjencës së Pentagonit u publikua nga CNNi, dhe përfundimet fillestare janë në kundërshtim të plotë me deklaratat e vazhdueshme të Donald Trump se sulmet shkatërruan plotësisht impiantet e pasurimit të uraniumit. Agjencia Ndërkombëtare e Energjisë Atomike, mbikëqyrësi bërthamor i OKB-së, tha se konflikti 12-ditor shkaktoi dëme serioze në disa nga objektet bërthamore të Iranit.
