Televizioni shtetëror iranian publikoi pamje të presidentit amerikan Donald Trump pas atentatit në Pensilvani, ku ai u qëllua në vesh, dhe lëshoi një kërcënim të drejtpërdrejtë:
“Këtë herë plumbi nuk do të dështojë”.
Shtetet e Bashkuara po tërheqin pjesë të personelit nga bazat në Lindjen e Mesme, ndërsa Teherani ka paralajmëruar fqinjët për goditje ndaj bazave amerikane në rast sulmi nga Uashingtoni. Britania gjithashtu ka nisur tërheqjen e trupave nga një bazë ajrore në Katar.
Zyrtarë perëndimorë dhe izraelitë paralajmërojnë për një ndërhyrje të mundshme ushtarake amerikane brenda 24 orëve, ndërkohë që tensionet në rajon mbeten të larta dhe paparashikueshmëria, sipas tyre, është pjesë e strategjisë së administratës amerikane.
