Policia ka ndaluar nënkryetarin e Partisë Demokratike në Dibër, Korab Muça.
30-vjeçari Muça është ndaluar në doganën e Blladës, pasi ishte shpallur në kërkim për protestën e zhvilluar më 28 qershor pranë KZAZ-së numër 19, në Dibër.
Gjatë kësaj proteste, pati përplasje të ashpra mes policisë dhe mbështetësve të opozitës.
Këta të fundit tentuan të çanin kordonin e policisë për t’u futur brenda KZAZ-së dhe për të djegur materialet zgjedhore, por u shpërndanë nga policia me gaz lotsjellës.
Protesta vijoi për orë të tëra, ndërsa pati disa të lënduar dhe shumë të shoqëruar.
