34 700 euro të padeklaruara u zbuluan sot në çantën e një gruaje në pikën kufitare të Kakavijës, teksa po tentonte të dilte nga Shqipëria.
Gjatë kontrollit në dalje, shërbimet e Policisë Kufitare gjetën shumën e parave që gruaja me inicialet D. B., banuese në Burrel, nuk e kishte deklaruar sipas ligjit. Paratë u sekuestruan menjëherë si provë materiale.
Për rastin nisi hetimi penal në gjendje të lirë për veprën “Mosdeklarimi në kufi i të hollave dhe i sendeve me vlerë”. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër për veprime të mëtejshme.
