Të paktën 20 persona kanë humbur jetën pasi një tërmet i fuqishëm goditi provincën Balochistan në Pakistan të enjten herët në mëngjes.
Mësohet se lëkundjet e tërmetit kishin magnitudë 5.9 dhe thellësi prej 9 km. Sipas BBC deri tani raportohet për më shumë se 150 persona të plagosur.
Autoritetet thanë se numri i viktimave mund të rritet pasi po vijojnë ende operacionet e kërkim-shpëtimit. Sipas Reuters shumica e viktimave janë gra dhe fëmijë.
Më shumë se 100 shtëpi balte janë shembur dhe një numër i madh banesash janë dëmtuar duke lënë me qindra persona pa shtëpi, thanë autoritetet për mediat.
