Një tërmet i fuqishëm me magnitudë 7.7 Rihter goditi Mianmarin të premten, duke shkaktuar një katastrofë masive. Ekspertët paralajmërojnë se numri i viktimave mund të kalojë 10,000, ndërkohë që deri tani janë raportuar 1,700 të vdekur dhe 3,400 të plagosur. Autoritetet lokale gjithashtu kanë njoftuar për rreth 300 të zhdukur.
Agjencia e Shërbimit Gjeologjik të SHBA-ve parashikon që numri i të vdekurve do të rritet me mijëra në ditët në vijim, duke e çuar atë mbi 10,000. Sipas ekspertëve, humbjet financiare mund të tejkalojnë prodhimin vjetor ekonomik të vendit.
Mianmari po kalon gjithashtu një periudhë lufte civile të gjatë dhe të përgjakshme, duke krijuar një krizë humanitare që ka vështirësuar përpjekjet e shpëtimit dhe ka rritur frikën për një rritje të mëtejshme të viktimave. Tërmeti goditi më 28 mars me epiqendër pranë Mandalait dhe u pasua nga disa pasgoditje, përfshirë një të fuqishme 6.4 ballësh. Ndërtesat u rrëzuan dhe përfshirë disa njësi që strehojnë nëpunës civilë të qeverisë, por zona e qytetit u bllokua nga autoritetet për të parandaluar përhapjen e panikut dhe kaosit.
