Teuta dhe Dinamo kanë ndarë pikët në ndeshjen e luajtur mes tyre, që i vendosi kapakun javës së 19-të të Superiores. Në një ndeshje shumë të luftuar, por ku rastet ishin me pikatore, teksa mungonin gjuajtjet në katërkëndor, të dy skuadrat u kënaqën me nga një pikë në barazimin 0-0, që nuk ndryshon situatën e tyre në renditje. Blerim Kotobelli u ndëshkua me kartonin e dytë të verdhë, pas vërshëllimës përfundimtare të ndeshjes Teuta-Dinamo(0-0). Kartoni i kuq nga gjyqtari Juxhin Xhaja ishte absurd duke qenë se sfida kishte përfunduar, ndërsa kapitenit i peshon shumë.Kotobelli shkoi menjëherë te Xhaja pas përfundimit të ndeshjes me Dinamon. Aty ndodhi gjithçka që dërgoi te kartoni i kuq.Sfida me Dinamon i prishi jo pak punë Teutës. Jo vetëm Kotobelli me karton të kuq, por ndaj Partizanit do të mungojnë po ashtu Ergis Arifi dhe Muço Boçi. Të dy plotësuan numrin e katër kartonëve të verdhë.