Kupa e Shqipërisë do të zhvillojë takimet e fazës së 1/8-tave, ditën e martë dhe të mërkurë. Derbi mes Erzenit dhe Teutës do të zhvillohet të mërkurën në orën 16:00. Klubi me anë të një postimi ka bërë thirrje tifozëve dhe të gjithë qytetarëve për t’u bashkuar në stadium.
Teuta aktualisht ndodhet në pozita aspak të mira, ku renditet në vendin e 9-të, në kampionat. Në këtë pozitë klubi dëshiron që të ketë në mbështetje të saj tifozët, që të arrijnë kualifikimin në fazën tjetër.
Ja njoftimi i ekipit durrsak:
“Mos harro, të mërkurën në orën 16:00 i duhemi skuadrës në përkrahje ndaj ftohen të gjithë qytetarët durrsakë së bashku me tifozerinë e mrekullueshme “Djemte e Detit” dhe t’ju japim përkrahje dhe motiv shtesë djemve drejt kualifikimit në raundin çerekfinal të kupës. Së bashku do t’ja dalim!”
