Presidenti Hashim Thaçi në një deklaratë për mediat ditën e sotme iu kundërpërgjigj kryeministrit Haradinaj pas komenteve të këtij të fundit për idenë e ndryshimit të kufijve me Serbinë.
Presidenti Thaçi, që thyen rekord në përdorimin e fjalës “korrigjim”, tha se edhe kryeministri Haradinaj duhet të korrigjojë deklaratat e tij.
“Jam i sigurt se kryeministri ka nevojë t’i korrigjojë deklaratat dhe qëndrimet e tij rreth dialogut, pa dialog nuk ka të ardhme atlantike për Kosovën”, tha presidenti në konferencën e mbajtur.
Thaçi tha se Kryeministri duhet të korrigjohet, në të kundërt ata që nuk korrigjohen, ndërrohen.
“Nuk jemi të përhershëm në pozicionet tona, kryeministrat dhe presidentet mund të ndërrohen, shkojnë e vijnë, gjithësesi mund të ndërrohen ata që nuk korrigjohen”, tha Thaçi.
