45-vjeçari Gentjan Xhaferi, banues në Ksamil është vënë në pranga për vjedhje. Xhaferi dyshohet se rreth orës 17:20 të 27 qershorit, ka vjedhur 75.000 lekë të reja ne nje supermarket në lagjen nr.1 të Sarandës. 

Nga sa rezulton, Xhaferi ndodhej në masën e sigurisë “Arrest në shtëpi” të cilën e ka thyer dhe për këtë përveç vjedhjes do t’i rëndojë edhe një akuzë tjetër. 

Xhaferi rezulton me disa precedentë penalë për vjedhje, ndërsa herën e fundit ka qenë i arrestuar në nëntor 2023 për tentativë vjedhje në Sarandë.