1 qershor 2015 – Sporti nuk njeh moshë të paktën për 92-vjecaren Harriethe Thompson, e cila u bë femra më e vjetër në Botë që përfundon garën në një Maratonë. Me kohën 7 orë 24 minuta e 36 sekonda Thompson arriti t’i shkonte deri në fund Maratonës së San Diegos të zhvilluar në Shtetet e Bashkuara të Amerikës  duke djegur cdo etapë. Me plot 92 vite e 65 ditë mbi supe Harriethe, e cila më herët i ka mbijetuar edhe sëmundjes së kancerit u dha një shembull mëse të qartë shumë të rinjëve që nuk merren me sport.Thompson theu në këtë mënyrë rekordin që mbahej nga një tjetër amerikane Glaydis Burrill, e cila ishte në moshën 92-vjec e 19 ditë në vitin 2010 kur përfundoi Maratonën e Honolulusë. Harriethe në përfundim të garës u vlerësua nga orginaztorët me medaljen përkatëse. 92-vjecarja mori pjesë për herë të 16-të në Maratonën e San Diegos në ndryshim nga 2014 këtë vit e përfundoi garën  17 minuta më vonë. Gjithsesi pavarësisht gjithckaje ajo tashmë është një kampione sepse përshkroi plot 43 km në një moshë kaq të madhe. Mund të duket e pabesueshme por Thompson filloi të merrte pjesë në garat e Maratonës pikërisht kur kishte arritur të 70-tat për të mbledhur sa më fonde nga sponsorët në mënyrë që të luftonte sëmundjen e kancerit. Harriethe tashmë ja ka dalë dhe ajo një shembull se në jetë asgjë nuk është e pamundur aq më tepër kur merresh me sport.