Grupimi Qytetar kundër Projektit TID Durrës ka njoftuar organizimin e një proteste qytetare ditën e nesërme, në orën 11:00, përpara Bashkisë Durrës.

Qytetarët kundërshtojnë projektin TID Durrës, duke kërkuar pezullimin e tij, mbrojtjen e pronës dhe transparencë në procedura, si edhe ngritjen e një komisioni hetimor nga Këshilli Bashkiak.

Postimi i plotë:

NJOFTIM PËR PROTESTË

📅 5 Shkurt

🕚 Ora 11:00

📍 Para Bashkisë Durrës

PROTESTË QYTETARE – KUNDËR PROJEKTIT TID DURRËS

Grupimi Qytetar kundër Projektit TID Durrës njofton organizimin e një proteste qytetare ditën e enjte 5 shkurt, ora 11:00, përpara Bashkisë Durrës, në reagim ndaj veprimeve të fundit të Bashkisë, e cila po shqyrton opsione të ashtuquajtura “sistemimi” për banorët, pa u ndalur më parë te gabimet, shkeljet dhe mungesa e transparencës në projektin TID Durrës.

Qytetarët kundërshtojnë çdo zgjidhje të imponuar që anashkalon:

– pezullimin e projektit,

– korrigjimin e gabimeve procedurale dhe ligjore,

– konsultimin real dhe të drejtpërdrejtë me banorët e prekur.

🔴 Kërkesat kryesore janë:

1️⃣ Pezullimi i menjëhershëm i projektit TID Durrës

2️⃣ Jo “banesa sociale” si zëvendësim i shtëpive tona – ne mbrojmë pronën dhe nuk largohemi

3️⃣ Këshilli Bashkiak të pranojë ngritjen e një Komisioni Hetimor për verifikimin e procedurave, shkeljeve ligjore dhe mungesës së transparencës në lidhje me projektin TID Durrës

📢 Ftojmë mediat të jenë të pranishme për pasqyrimin e qëndrimit të qytetarëve dhe familjeve të prekura.

ℹ️ Njëkohësisht, njoftojmë se vijon anëtarësimi në Forumin Këshillimor Vendor (FKV), si një hap për bashkimin e zërave të qytetarëve dhe forcimin e përfaqësimit kundër çdo cenimi të pronave dhe të drejtave tona.

Grupimi Qytetar kundër Projektit TID Durrës