Edhe pse problemet me drejtësinë janë të shumta edhe pse republikanët e fajësojnë për rezultatin e dobët në zgjedhje, në familjen Trump ka gëzim.
Vajza e ish-presidentit Tiffany është martuar me miliarderin Michael Boulos.
Një dasmë e cila u zhvillua mes luksit në kompleksin Mar a Lago në Florida.
Pa dyshim sytë ishin tek çifti, i cili hapi mbrëmjen me një vallëzim.
Teksa kërcenin Trump shihej duke i pëshpëritur në vesh gruas së tij e më pas i dhuroi një puthje.
Si të gjithë të ftuarit ish-presidenti kishte veshur një smoking dhe papion të zi. E padyshim vëmendje mori edhe Ivanka Trump, vajza e Madhe e manjatit veshur me elegancë.
Tiffany dhe Boulos i cili është 4 vite më i vogël se nusja u takuan në vitin 2018 në Mikonos të Greqisë gjatë një eventi organizuar nga Lindsay Lohan.
Tiffany, është vajza që ish-presidenti e ka me aktoren Marla Maples, me të cilën u martua në vitin 1993.
