24 nëntor 2014 –Tifozët e Galatasarayt në ndeshjen e basketbollit mes Galatasarayt dhe Besiktasit kanë refuzuar të mbajnë një minutë heshtje për tifozin e Crvena Zvezdës, i cili humbi jetën ditë më parë në Stamboll. Ty dyja skuadrat kishin vendosur që në sallën "Abdi Ipekçi" të mbahet një minutë heshtje në nder të tifozit të vrarë por tifozeria nuk e ka respektuar këtë duke fishkëllyer dhe brohoritur "Turqi Turqi". I riu nga Zemuni u ther me thikë pak para se të fillonte ndeshja mes Crvena Zvezdës dhe Galatasarayt. Tifozi 25-vjeçar nga Zemuni mbeti i plagosur para ndeshjes Crvena Zvezda-Galatasaray dhe u dërgua me urgjencë në spital, por pavarësisht përpjekjeve të mjekëve turq, ai nuk mundi të shpëtonte dhe ndërroi jetë pas 5 orësh.