Është pezulluar për afro një orë ndeshja e futbollit në kampionatin gjerman Bundesliga 2 pasi tifozë të skuadrës udhëtuese kanë lidhur zinxhire te shtyllat e portës në protestë ndaj pronarëve dhe menaxhimit të klubit të tyre.
Tifozët morën veprimin e tyre gjatë pushimit të pjesës së parë duke nisur protestën e rrallë në stadiumin Volksparkstadion.
Disa tifozë të Hannover lidhën me drynë zinxhirët në shtyllat e portës për të protestuar ndaj pronarëve të klubit.
Në një prej pankartave të mëdha shihej fytyra të pronarit të Hannover, Martin Kind e vendosur në një shënjestër, çka u konsiderua e papranueshme nga zyrtarët që urdhëruan pezullimin e ndeshjes. Kind ka miratuar pranimin e investitorëve të tjerë në skuadër megjithë kundërshtimin e bazës së tifozëve vendas qe duan te ruajnë traditën sportive te klubit.
